الشاعر رشيد رحماني
امرقوم الـــــريش يــا حـــادق لطيار
ديــــــر مـــزية شور تــاليت محاني
هديك الي شاعلة في قلبي نــــار
نــــــــار العطفة لاهبة وسط كناني
ملكت قلبي والعقل لهواها طـــــــار
وعـــــاجز على وصافها لفظ الساني
مـــــا نرقدش الليل حالي في دمـار
وما لي طــــاقــة لصبر يـــا تمحاني
لا طـــالب لا حكيم طفا هـــــاد النار
يـــا مــــــــرسولي عيد ليها كيراني
بهواها شايش خــاطري كحلة لشفار
ميرة قلبي ســــــاكنة وسـط كناني
من دالحب فنيت حـــــالي في حطـار
يعدرني غير الـــــــي تمحن بمحاني
حـــــــــــالي كالمملوك عبد بلا تحرار
ونقطعت وثـــــــــار عــــودي والحاني
يــــــــــا مرسول الحب عيدلها ما صار
وكمي ســـــــــرك لا تغرك عـــدياني
قوللها مــــــا ننساك مـــا دامت لعمار
اميرت قلبي كــــــــــان قلبك يرضاني
المرصم بــــــلا بيك راه خـــــــلا قيفار
وغيابك عني طـــال يــــــا ضي عياني
قوللها مــــــــا ننساك يــــا زهرة لزهار
ولا يهنا قلبي على طــــــــول زمـــاني
يــــــــا مرسولي وجيب لية كـاش خبار
من تــــــــــــــــاج الغزلان قرت لعياني
يــــــــــــاك تعشقنا مين كنا عاد صغار
اول حب هــــــــــــــواك يلهب دخلاني
راه القلب عليل كـــــــــــــل ليلة ونهار
واش يصبر خـــــــــاطري يـــــا مكواني
حين القلب هــــواك مــــا جاني بشوار
مثل جمالك مــــــــــــا شفيتوا بعياني
طــــــــــــــول غيابك زادني ليعات كبار
معاك اروح الـــــــــــــروح يسجا بنياني
كـــــــــــاس هواك جرعت منوا كم عبار
وصبحت كــــــــــالمجنون نوزن غيواني
حال حـــــــالي من فـــــــراقك في زيار
وشــــــــــاب شبوبي يا مرة بين قراني
على جالك هجرت نـــــــاسي والــــدوار
شمس سمــاية مسات والحزن كساني
شمعة قلبي معاك ليلي كـــــــــان نهار
اولفي يكـفي مهجرك بــــــــــركـــــاني
امرسول الحب يــــــــــــا حــــادق لطيار
دير مــــزية شــور تــــــــــــاليت محاني
محبوبة قــلبي شــــــــوشت ليها لفكار
وفــــــرفـــــــــر عقلي راح ليها وهداني
هداني كـــــــــــــالمملوك عبد بلا تحرار
واش ايصبر خـــــــــاطري يــــــا تمحاني
ا تمحاني شــــــــــــــاب راسي بالتفكار
ولا شفوا حـــــــــالي من هـــــواه بلاني
مـــــــــا هناني خــــــاطري خالف لشوار
ولابــــــــــــــا ينسا طليعت البدر عصاني
عصاني وظحيت فـــــــــــــــــالهم الضرار
زاد شغابي من هــــــــــواهــــــــا بكاني
بكاني دالحب جــــــــــــاب دمـــــوع غزار
ولا شفوا حـــــــــــــــالي من بلاه بلاني
طال غيابك طـــــــــال يـــــــا موموا لبصار
وردة قلبي ســـــــــــــاجية في بستاني
رحماني بــشــنــاك نــــــــظملك لشعار
وتحسي يـــــــــــا ريــــــم بية كي راني
حــــــــــالي راه ايشف ويــــــدوب لحجار
ابكيت اوبكيت نــــــــــــــــــاسي وقراني
تمت