نبدة بـــاسم الـواحد الحي المعبود
الــــــــواحـــد الـوحيد لا شريك لاه
رزاق العيباد لكريم الـــــــــــــــودود
سبحانك يـــــا خـالقي عظيم الجاه
والـــــــصـلاة عـلى النبي المحمود
محمد بـــن يـــــــــامنة حبيب الـله
والسلام على صحابوا نــاس الجـود
هــادوك الي قــاوموا فـــالغزوا معاه
بعد سلامي جيت ننظم دالمنشود
والعاقل يصغى كـــــــــلامي يترواه
نعيدلكم مــــا راه يصرى مـن اليهود
دالصهيوني بـــــــالجهالـة زاد بــلاه
هادوا فـــــــــاتـوا قوم فرعون وثمود
مـــرض سكن في دمهم مكان دواه
فيهم حقد قـديم من ساعة لجـدود
هــــــــــادشي تاريخ معلوم قـريناه
راني نخمم والــــدموع على لخدود
على غـــــــــزة شعبها دروك كيراه
حصروها بـــــالنار والجيش المعدود
والشعب الكروح فـــــي غبنة مقواه
غزة غزة شعبها مــــــــا بين صهود
عيب عليكم عيب يــــــــــا عباد الله
مدينة غزة ــــــــــحاصروها بالجنود
وحرقوها بــــــــــــالنار مالبر وسماه
هــــــــــدوا موتة دا مجرح دا مكرود
وداك ولاده دبحوهم كـــــــــاع حداه
وداك تصيبوا راه مـــن اهــلـوا مفقود
والي صامد وسط داروا غــاب عشاه
امام العالم دلونـــــــــــــــــــا ليهود
وعـــاد المسلم فالمحاين زاد شقاه
من بكري معروفين مــــا يوفوا عهود
ويـــــــن المجاهدين في سبيل الله
الي جـــــــــاهد ما يخاف من البرود
ويلا مــــــــــات يمت في سبيل الله
مرحوم الي مــــــات في جنة لخلود
ويا ويل المسؤول امــــــــــام الايلاه
في معبر رافــــح بلعت مصر الحدود
هـــــــــــــدا منكر عمروا ولا شفناه
وحكام العرب مـــــــــــا داروا مجهود
هـــــــــــدا دل كبير دالعام الحقناه
ما تحرك ظميرهم للكل رقــــــــــود
ولا قالوا دى عــــــار دالوقت وصلناه
رحـــمــــاني رشيد نظم دالمنشود
وختم بـــــــالصلاة النبي رسول الله